Barangay Frances

Matagumpay at Maligayang  Pagtatapos
Salutation to all Guests of Honor, FES Principal and Faculty, Parents and Friends

At ngayon ang tampok ng pagdiriwang na ito kayo  mga minamahal naming kamag-aaral na magsisipagtapos sa Paaralang Barangay Frances. Sa simula pa lamang ay taos puso ang aming pagbati. . .  Magandang Araw!

Nakikihati kami sa di malirip na saya  at maalab na kasiyahan na nadarama ng inyong mga magulang, guro at kamag-aaral..

Kasabay ng aming ngiti sa labi  ang  katagang nais naming ihandog sa inyo. . . PAGHANGA! Nais naming  ipagmalaki sa lahat ang inyong KAKAYANAN. Sapagkat batid ng lahat na ang ang pagtatapos ninyo sa ikaanim na baitang ay sumibol na mula sa  adhikaing ipininunla sa murang isipan,  pinagyabong ng kalinangan at bagong kaalaman sa tulong ng mga libro at guro sa bawat baitang. At ngayon ay inaani ninyo ang bunga ng  tagumpay na dinilig pagtiis at pagsusumikap. Kaya muli ninyong tanggapin ang aming taos pusong pagbati at paghanga sa inyong narating.
Humahanga  kami lalu  sa inyo na nais magpatuloy sa pagtahak ng bagong kaalaman. Kaya ang payo naming muli ay MAGPATULOY nawa ang inyong pag saliksik sa inyong nakalaang mas IBAYONG TAGUMPAY.

Ang TAGUMPAY ay isang PANGARAP, na nagiging ADHIKAIN habang tinatahak ito. Ito ay nasusukat  sa lamang sa dami ng nalampasang balakid at PAGSUBOK ng isang tao. Ito rin ang nagiging taluntunan  sa mas magandang kinabukasan. Batid namin na sa bawat yugto ng buhay ay mag pagsubok. Payo namin nawa’y gamitin ninyo ang pagsabok ng na ito sa PAGLAGO NG KARANASAN, ang balakid tunghaying  OPURTUNIDAD  at daan sa katuparan ng pangarap at naghihintay na tagumpay.

Ang bawat tagumpay din ay may  dapat kaagapay  na MALAKING PAGTITIWALA. Buong pusong paggtitiwala sa Diyos, sariling kakayanan at kahinaan. Lahat ng tao sa mundo ay may kakayanang maging dakila. Ito ay itinanim ng Maykapal sa ating mga puso. Gaya nina Martin Luther King, naging Ama ng paglaya para sa lahing itim o kaya’y si Rosa Parks, dahil sa di pagsunod na maupo sa dulo ng bus ay  nag udyok ng patas na pagturing sa mga taong may kaibang kulay.  Ilang halimbawa lamang ng mga dakilang tao. Sa kanila nakita na  tunay pagtitiwala sa Diyos at sa sarili. Sapagkat kanilang natanaw  pangarap bago pa man ito ay maging katuparan . Maging sa huli, sila’y lubos na nanangan sa kanilang pagtitiwala sa Diyos at sarili.. Kaya kukupkupin ng inyong  mga puso ang busilak na pagtitiwala. Nasa bawat isa kung paano ito, lalago at magbubunga. Ang alam namin, kapag dinagdagan ng kahinahunan, pagtitiis at pagdiskubre ng mga talento ang lahat ng ito’y maisasakatuparan.

Kaya  muli  ang aming pahuling  hatid ay PAGBATI, sapagkat nababanaag na  namin ang ibayong  TAGUMPAY ng  inyong mga PANGARAP  sa masigasig na pagtahak ng ADHIKAIN, at buong pusong PAGTITIWALA. Muli pagbati at paghanga!

Home :: Yahoo Brgy Frances Group :: CALUMPIT-E-CONNECT
Copyright 2004, Brgy Frances Group®. All rights reserved.
Please send updates and photos to the webmaster.